Aniztasuna

Goian esleitutako bideoa, aniztasunari hasiera emateko erabiliko dut. Aniztasuna,  anitz izatearen nolakotasuna adierazten du, edota ezaugarri ezberdinei egiten dio erreferentzia,  baina arlo zabala hartzen du bere baitan, hala nola, kultur aniztasuna, adimen aniztasuna, aniztasun linguistikoa, genero aniztasuna, aniztasun sozio-ekonomikoa, etab.

Gaur egun, aniztasuna, hezkuntza arloan, egunero erabiltzen den hitza da, izan ere, bizi garen gizartea gero eta anitzagoa eta pluralagoa da, eta noski, eskolan ere, ikasleen arteko aniztasuna da nagusi.

Aniztasuna, kasu batzuetan, ezberdin hitzarekin parekatzen dugu, baina zer da ezberdina izatea? Ezberdinak zeinekin konparatuta? Zer da normala izatea? Azken finean, pertsona guztiak gara bakarrak, beraz,  diferenteak. Hau kontuan izanda, aniztasuna era baikor eta aberasgarri batean erabili behar da, bai gizarte eremua, bai hezkuntza eremuan.

Aniztasunean hezteak aberastu egiten gaitu, kultura arteko ikuspegiarekin ikusten dugulako etorkizuna. Eta aniztasuna horretan, bakoitzaren alor onak edo positiboak kontuan hartu behar ditugu, eta noski, errespetatu, guztiok berezi egiten gaituen zerbait dugulako. Horrenbestez, aniztasun hori guztiak aberasteko erarik hoberena eta zentzu positiboan ulertu behar dugu. 

Hau guztia kontuan hartuta, eskolan aniztasuna baloratzea ezinbestekoa dela uste dut, bizi garen gizarte aniztasuna ulertzeko modu eraginkorrena baita.

Esan bezala, hezkuntzak aniztasunean bizi da. Eta, eskolak aniztasunari aurre egiteko era ezberdinak ditu, aurrerantzean azalduko dudan bezala.