Etiketen erabilera

Gizartean, pertsonak sailkatzeko etiketak erabiltzen dugun moduan, hezkuntzan ere etiketak erabiltzen dira, eta nahi ala nahi ez, horrek, gure pentsamenduan eragina dauka, hots baldintzatzen du, eta ondorioz era subjektibo batean sailkatzeko joera dugu, pertsona horrekiko ezagutza mugatu, haren gaitasunak alde batera utzi, eta beste trataera desberdin bat emanez.

Gainera, gizartean, pertsona bakar bati etiketa zehatz batekin sailkatzen dugunean, arraro edo desberdin moduan ikusten dugu, bakarra delako. Baina, etiketa zehatz horrekin gehiengoak izendatzen ditugunean, aldiz, ez da ezer pasatzen, normala izango da eta. Hau da, etiketak, pertsona bati edo pertsona gutxi batzuei esleitzen zaienean, etiketek garrantzi handia hartzen dute, baina taldea handia denean, etiketa horrek balioa galtzen du. 

  Honen adibide gisa, gelan egindako jolasa erabiliko dut. Irakasleak, hainbat jarduera egiten bidaltzen zigun heinean, hori egiteko gaitasuna ez zuenari D letra zuen txartela edo etiketa jartzen zuen, efizientearena (defiziente) hain zuzen ere.  Honekin, azalean geratu zen, D txartela, pertsona bakar batek jasotzen zuenean, ezeroso eta berezi bezala sentitzen zela, baina ia talde guztiak jasotzen zuenean, normaltzat hartzen zen, guztiok genuelako.

Honen aurrean ere, konturatu ahal izan nintzen, etiketek pertsonekiko sortzen duten sentimendua eta honen aurrean nola sentitzen diren. Horrez gain, ohartarazi nintzen guztiok dugula berezitasunen bat,  ez garela gai gauza guztiak egiteko, eta denok era batean edo bestean premiaren bat dugula.

Batzuetan etiketak norbait desberdina dela adierazteko erabiltzen ditugu. Baina desberdina norekin konparatuta? Azken finean, denok dugu berezi egiten gaituen nolakotasunen bat, besteengandik bereizten gaituena eta errespetatu, onartu eta baloratu behar ditugu,  horrek ez baitigu baimena ematen pertsonak etiketatzeko. Baina gauza guztien gainetik, pertsonak gara. Beraz, gure egunerokotasunean, etiketen erabilpena eta pertsonekiko aurreiritziak saihestu beharko genuke, hauek ezabatzea gure eskuetan baitago.